Xəbər verdiyimiz kimi, Ağstafada 23 yaşlı gənc oğlan bədbəxt hadisə nəticəsində ölüb. Bəlli olub ki, Ağstafa şəhər sakini Seymur Məmmədov yoldaşları ilə Səməd Vurğun Parkında çay içən zaman anidən ağaclardan birinin qurumuş budağı gəncin üzərinə düşüb.

Regionxeberlericom.az bizim media-ya istinadla xəbər verir ki, hadisə zamanı baş nahiyəsindən ağır xəsarətlər alan Seymur Məmmədov Ağstafa Rayon Mərkəzi Xəstəxanasına yerləşdirilib. Müayinə zamanı məlum olub ki, o, aldığı xəsarətlər nəticəsində hadisə yerindəcə dünyasını dəyişib.

Faktla bağlı rayon prokurorluğunda araşdırmalara başlanılıb.