Moskva hava limanları gələn miqrantlardan barmaq izlərini almağa başlayacaq. 

Rusiya mediası xəbər verir ki, bu barədə Daxili İşlər Nazirliyinin miqrasiya məsələləri üzrə baş idarəsinin rəisi Valentina Kazakova danışıb.

Belə bir təklifin şəhər rəhbərliyi tərəfindən verildiyi deyilir. Kazakovanın sözlərinə görə, yaxın vaxtlarda miqrantların barmaq izlərinin götürülməsinə və fotoşəkillərinin çəkilməsinə başlanılması planlaşdırılır. O izah edib ki, bu cür tədbirlər vətəndaşların saxta yollarla ölkəyə daxil olmasının qarşısını alacaq.

Kazakova qeyd edib ki, bu prosedurlar, eləcə də tibbi müayinələr cinayətlərin açılmasına kömək edir: “Belə ümumi barmaq izinin götürülməsi nəticəsində 2 mindən çox cinayətin üstü açılıb”.