Mingəçevirdə məktəblilər arasında “Hepatit A” virusuna yoluxma aşkarlanıb.

Son bir həftə ərzində şəhərin əsasən Tərəvəzçilik yaşayış massivi ərazisində yerləşən Bahar küçəsində təsdiqlənmiş “Hepatit A” diaqnozu ilə 5 nəfər xəstə barəsində Mərkəzi Şəhər Xəstəxanasından Gigiyena və Epidemiologiya Mərkəzinə təcili bildiriş vərəqəsi daxil olub.

Onlar dördü qız, biri isə oğlan uşağı olmaqla 6, 7, 9 və 11-ci sinif şagirdləridir.

Şagirdlərdən ikisinin valideyni bildirir ki, hər iki övladı paytaxtda xəstəxanadadır və uşaqların vəziyyəti qənaətbəxşdir.

Yaşayış yerində sudan nümunələr götürülüb, analiz üçün müvafiq qurumlara göndərilib.

Qeyd edək ki,daha bir məktəbli müalicə üçün paytaxta aparılıb.