Hindistanın cənubundakı Kerala ştatında konsert zamanı yaranan izdiham nəticəsində 4 tələbə ölüb, 60 nəfər yaralanıb.

Bu barədə ştatın səhiyyə naziri Vin Corcu məlumat yayıb.

İzdiham Koçin Elm və Texnologiya Universitetində açıq havada keçirilən konsertdə baş verib. Tədbirə 2 mindən çox insan toplaşıb.

Hindistanlı müğənni Nikita Qandinin çıxışı zamanı yağış yağmağa başlayıb və tamaşaçılar təhsil ocağının binasına doğru yollanarkən pilləkənlərdə izdiham yaranıb.

Faciə yerində həkimlər və polis işləyir.