“Kanal 13” internet televiziyası ilə əməkdaşlıq edən jurnalist Şamo Eminovun saxlanıldığı və barəsində qaçaqmalçılıq ittihamı ilə həbs qətimkan tədbirinin seçildiyi deyilir.

Bu barədə “Kanal 13”ün həbsdə olan rəhbəri Əziz Orucovun qardaşı Anar Orucov məlumat verib.

O bildirib ki, Ş Eminovun barəsində 3 ay 5 gün müddətinə həbs qətimkan tədbiri seçilib.

Anar Orucov inzibati qaydada 30 sutka müddətinə həbs edilmiş “Kanal 13” internet televiziyasının aparıcısı Rüfət Muradlıya qarşı da cinayət işinin başldıldığını bildirib.

Xatırladaq ki, o, İnzibati Xətalar Məcəlləsinin 510 (xırda xuliqanlıq) və 535.1 (polisin qanuni tələbinə tabe olmama) maddələrilə ittiham olunub və dekabbrın 2-də 30 sutka müddətinə həbs edilib.