Mingəçevir şəhərində yaşayış binasında yanğın hadisəsi baş verib.

Yeniavaz.com xəbər verir ki, hadisə şəhərin Nəriman Nərimanov 36 ünvanında qeydə alınıb.

Yanğın 5 mərtəbəli yaşayış binasının 4-cü mərtəbəsindəki mənzildə elektrikli sobanın taxılı qalması nəticəsində baş verib.

Fövqəladə Hallar Nazirliyinin yanğından mühafizə qüvvələri əraziyə cəlb olunub və mənzil yanğından mühafizə olunub.

Ev sakinlərinin hadisə baş verən zaman evdə olmadığı bildirilir.