Malayziyanın Lumut şəhərində iki helikopter ölkənin Kral Dəniz Piyadalarının 90 illiyi ilə bağlı hava paradından əvvəl təlim uçuşu zamanı qəzaya uğrayıb.

Malayziya Yanğın və Xilasetmə Xidməti hər iki helikopterdə olan ümumilikdə 10 ekipaj üzvünün həlak olduğunu bildirib.

Yerli KİV-də dərc olunan kadrlarda helikopterlərin havada bir-birləri ilə toqquşduğu müşahidə olunur. İlkin məlumata görə, helikopterlərdən birində üç, digərində yeddi ekipaj üzvü olub.