"Santos"un braziliyalı hücumçusu Neymar "Barselona"ya qayıtmaq üçün hər cür güzəştə getməyə hazırdır.

Braziliyalı "Barselona"ya keçmək üçün aşağı maaşa belə qanedir. Qeyd olunur ki, futbolçunun bu qərarı İspaniya klubunun maliyyə məhdudiyyətləri nəzərə alınaraq atılıb. Belə olacağı təqdirdə transferin reallaşma ehtimalı xeyli artacaq.

Qeyd edək ki, Neymar 2013-2017-ci illərdə "Barselona"da çıxış edib. Bu müddət ərzində o, bütün turnirlərdə 186 matçda iştirak edib, 105 qol vurub və 76 məhsuldar ötürmə ilə yadda qalıb.