“Mançester Siti”nin baş məşqçisi Xosep Qvardiola yeni rekorda imza atıb. O, komandanın sükanı arxasında keçirdiyi 273 oyundan 200-də qələbə qazanıb.
“Vesti” portalının məlumatına görə, bu göstərici İngiltərə Premyer Liqası məşqçiləri arasında ən yaxşı nəticədir.
Bugünədək sözügedən rekord Joze Mourinyoya məxsus olub. Portuqaliyalı çalışdırıcı “Çelsi”nin baş məşqçisi olduğu zaman 309 oyundan sonra 200-cü qələbəsini qazanıb.
Qeyd edək ki, Qvardiola məşqçilik karyerası ərzində cəmi 500 dəfə qələbə yaşayıb. Bunlardan 179-u “Barselona”, 121-i isə “Bavariya”nın payına düşür. 




Paylaş: