“Yuventus”un hücumçusu Kriştianu Ronaldu Braziliya millisinin heyətində üçqat dünya çempionu adını qazanmış Pelenin rəsmi oyunlardakı qol rekordunu geridə qoyduğunu açıqlayıb.

Bu barədə idmançı “Instagram” hesabında paylaşım edib.

Futbolçu İtaliya çempionatının 27-ci turunda “Kalyari”yə qarşı oyunda xet-trik etməklə rəsmi oyunlardakı qol sayını 770-ə çatdırıb. Ronaldunun sözlərinə görə, o 757 qol vuran Peleni geridə qoyaraq futbol tarixinin ən yaxşı hücumçusu elan olunması barədə xəbərlərə diqqət yetirmədiyini bildirib.

“Cənab Edson Arantis du Nasimentoya sonsuz və qeyd-şərtsiz heyranlığım, eləcə də 20-ci əsrin ortalarındakı futbola olan hörmətim məni 767 qol vurduğuna inandırdı. San Paulo ştatının komandasında doqquz, həmçinin ordu komandasının heyətində rəsmi olaraq bir qol vurub”, - deyə Ronaldu “Instagram”da bildirib.


Paylaş: