Azərbaycan millisinin sabiq futbolçusu Vladislav Lemiş vəfat edib.

Apasport.az saytının məlumatına görə, Bakı futbol məktəbinin yetirməsi 51 yaşında ölüb.

1987-ci ildə SSRİ yığmasının heyətində yeniyetmələr arasında dünya çempionu olan Lemiş karyerası ərzində “Neftçi” (1988-1989), “Kuban” (1990-1991, 1992, 1994), “Las Palmas” (1992-1993), MOİK (1994), “Monolit” (1995), “İzumrud” (1995), “Drujba” (1996), Stavropol “Dinamo”su (1997), “Baltika” (1997), Belarus “Slaviya”sında (1998) çıxış edib.

Karyerasını bitirəndən sonra Krasnodarda yaşayan həmyerlimiz həvəskarlar və tələbələrdən ibarət komandaları çalışdırıb. O, həmçinin Krasnodar Dövlət Universitetində dərs deyib.

Qeyd edək ki, 1992-ci ildə Rusiya yığmasında 1 matça çıxan futbolçu 1994-cü ildə Azərbaycan millisində də 1 oyun keçirib.


Paylaş: