Merih Demiral imzalı Ronaldo formasını ianə üçün hərraca çıxarıb.

Xarici KİV xəbər verir ki, milli futbolçu Merih Demiral kolleksiyasında olan Kriştiano Ronaldo imzalı formasını "Ahbap"a bağışlamaq üçün hərraca çıxaracağını bildirib.

"İtaliya A" Seriyasının komandalarından olan “Atalanta”da çıxış edən milli futbolçu Merih Demiral sosial şəbəkədə verdiyi açıqlamada imzalı Ronaldo formasının fotosunu paylaşaraq:

“İndicə Kriştiano ilə danışdım. O, Türkiyədə baş verənlərdən çox üzüldüyünü bildirib. Kolleksiyamdakı Ronaldonun imzalı formasını hərraca çıxarırıq. Hərracdan əldə edilən bütün gəlir zəlzələ bölgəsində istifadə edilmək üçün "Ahbap"a bağışlanacaq".