“Tottenhem” baş məşqçisi Antonio Konte ilə yollarını ayırıb.

Klubun rəsmi saytı vasitəsilə yaydığı açıqlamada italyan mütəxəssislə müqaviləyə qarşılıqlı razılıq əsasında xitam verildiyi bildirilib. Mövsümün sonuna qədər komandanı Kristian Stellini çalışdıracaq. Rayan Meyson isə onun köməkçisi olacaq.

Konte 2021-ci ilin noyabrından “Tottenhem”i çalışdırırdı. Komanda Premyer Liqada 28 oyunda 49 xal toplayıb və 4-cüdür.

Konte son açıqlamalarında klub rəhbərliyi və futbolçular barədə sərt fikirlər səsləndirib.