İspaniya La Liqasının 35-ci turunda keçirilmiş “Valensiya” - “Real Madrid” matçından sonra azarkeşlərdən biri ölüb.

“Valensiya”nın fanatlarından biri xəstəxanada vəfat edib. Onun ölüm səbəbi açıqlanmayıb. Azarkeşin xəstəxanaya stadiondan aparıldığı bildirilir.

Qeyd edək ki, ev sahiblərinin 1:0 hesablı qələbə qazandığı qarşılaşma qalmaqalla yadda qalıb. “Valensiya” azarkeşləri rəqib oyunçu Vinisius Juniora qarşı irqçi şüarlar səsləndiriblər. Braziliyalı oyunçu matçın sonlarında rəqiblərlə əlbəyaxa olduğuna görə qırmızı vərəqə ilə meydandan qovulub.

Mənbə: gazeta.ru