“Çelsi” belçikalı hücumçu Romelu Lukakunu icarəyə vermək niyyətində deyil.

“Çelsi” hücumçusunu yalnız satmağı düşünür. London klubu Lukakunu 40-50 milyon avroya satmaq niyyətindədir. Lukaku “Əl-Hilal”ın sərfəli təklifini də rədd edib. Belçikalı futbolçu yenidən “İnter”ə keçmək istəyir.

Məlumata əsasən, “Çelsi” onu Səudiyyə Ərəbistanından olan kluba satsa, daha sərfəli olacaq, lakin hücumçunun özü bu variantı nəzərdən keçirmir.

Ötən mövsüm Lukaku “İnter”in heyətində A Seriyasında 25 oyun keçirib, 10 qol vurub və 6 məhsuldar ötürmə edib. “Qara-göylər” Çempionlar Liqasının finalına çıxıb və burada “Mançester Siti”yə 0:1 hesabı ilə uduzub.