Bu gün Avropanın yaşıl meydanlarında bir sıra maraqlı futbol oyunları baş tutacaq.

Regionxeberlericom.az xəbər verir ki, İngiltərə Premyer Liqasında mövsümə heç-heçə ilə başlayan “Liverpul” II turda ilk qələbəsini qazanmağa çalışacaq. Komanda saat 18:00-da (bütün oyunların saatı Bakı vaxtı ilə göstərilib - red.) başlayacaq görüşdə “Bornmut”un müqavimətini qırmağa çalışacaq.

Premyer Liqada günün digər matçları daha böyük mübarizə vəd edir. Saat 20:30-da “Mançester Yunayted” “Tottenhem”in qonağı olacaq. Günün son oyunu “Mançester Siti” və “Nyukasl” arasında baş tutacaq. Bu görüşün start fiti saat 23:00-da səslənəcək.

Fransa Liqa 1-də mövsümə heç-heçə ilə başlayan son çempion PSJ “Tuluza”nın qonağı olacaq. Görüş sat 23:00-da başlayacaq.

Almaniya Bundesliqasında ötən mövsüm çempionluğu son anda əldən verən “Borussiya” (Dortmund) ilk matçını evdə “Köln”ə qarşı keçirəcək. Oyunun start fiti saat 20:30-da səslənəcək.

Bu gün İtaliya A Seriyasında yeni mövsümə start veriləcək. Son çempion “Napoli” saat 20:30-da “Frozinone”nin qonağı olacaq. Günün digər maraq doğuran oyununda isə “İnter” “Monza”nı sınağa çəkəcək.

İspaniya La Liqasında “Real Madrid” “Almeriya”nın qonağı olacaq. Matçın start fiti saat 21:30-da səslənəcək.

Türkiyə Super Liqasında turun mərkəzi oyununda son çempion “Qalatasaray”la “Trabzonspor” münasibətlərinə aydınlıq gətirəcəklər. Oyun saat 22:45-də başlayacaq.

İngiltərə Premyer Liqası

18:00. “Liverpul” - “Bornmut”

20:30. “Tottenhem” - “Mançester Yenayted”

23:00. “Mançester Siti” - “Nyukasl”

Fransa Liqa 1

23:00. “Tuluza - PSJ

Almaniya Bundesliqası

20:30. “Borussiya” (Dortmund) - “Köln”

İtaliya A Seriyası

20:30. “Frozinone” - “Napoli”

22:45. “İnter” - “Monza”

İspaniya La Liqası

21:30. “Almeriya” - “Real Madrid”

Türkiyə Super Liqası

22:45. “Qalatasaray” - “Trabzonspor”