Məşhur portuqaliyalı forvard Kriştianu Ronaldo Portuqaliya millisinin heyətində keçirdiyi sonuncu oyunda yeni rekorda imza atıb.

Bu barədə “Stats Foot” “X” sosial şəbəkə hesabında məlumat yayıb.

Məlumata görə, noyabrın 16-da Ronaldo AVRO-2024-ün seçmə mərhələsi çərçivəsində səfərdə (2:0) Lixtenşteyn millisinin qapısına 46-cı dəqiqədə qol vurub. Bu qol futbolçunun 38 yaşında millinin heyətində vurduğu onuncu qol olub. Ronaldo tarixdə belə nəticə əldə edən ilk futbolçu olub.

Qeyd edək ki, Portuqaliya millisi ilə birlikdə Ronaldo 2016-cı ilin Avropa çempionu, qitə çempionatının gümüş və bürünc mükafatçısı olub. Həmçinin, o, komanda ilə birlikdə 2019-cu ildə UEFA Millətlər Liqasının qalibi olub.

Xatırladaq ki, AVRO-2024-ün seçmə turnirinin qrup mərhələsinə 2023-cü il noyabrın 21-də yekun vurulacaq. Hazırda Portuqaliya 9 oyundan sonra 27 xalla J qrupuna başçılıq edir.