Türkiyə millisinin üzvü Arda Gülər İspaniya Kral Kubokunda “Arandina” komandasını 3-1 məğlub edərək 8\1 final mərhələsinə yüksələn “Real Madrid”də ilk dəfə start 11-də meydana çıxıb.

Mövsümün əvvəlində “Fənərbaxça”dan İspaniya nəhəngi “Real Madrid”ə transfer olunan 18 yaşlı yarımmüdafiəçi ilk dəfə bir matçda yeni komandasının formasını geyinmək imkanı qazanıb.

Baş məşqçi Karlo Ançelotti Arda Gülərə yarımmüdafiənin sol cinahında şans verib.

59 dəqiqə meydanda qalan Ardanın oyundakı göstəriciləri aşağıdakı kimidir:

Dəqiq ötürmələr/faiz nisbəti ilə: 32/89%

Açar ötürmə: 2

Qapıya zərbə: 3

Başabaş mübarizə: 3/7

Qeyd edək ki, Arda Gülər “Madrid”in ABŞ-dakı mövsümöncəsi düşərgəsində zədələnib və avqustun 14-də sağ dizindən menisk əməliyyatı keçirib. Təxminən 2 aya yaxın davam edən zədədən sonra sentyabrın 21-də komanda ilə məşqlərə başlayan Gülər sentyabrın 26-da yenidən zədələnərək bir müddət meydandan kənarda qalıb. Bu prosesdən sonra heç bir riskə getməyən və vaxtaşırı komandadan ayrı çalışan Arda Gülər 201 gündən sonra yaşıl meydanlara qayıdıb.