"Liverpul" Premyer Liqanın 22-ci turunun oyununda "Çelsi"yə 4:1 hesabı ilə qalib gəlib.

Xarici media xəbər verir ki, mersisaydlıların baş məşqçisi Yurgen Klopp üçün bu yubiley - Premyer Liqada 200-cü qələbə olub.

Alman mütəxəssis İngiltərə çempionatı tarixində bu nailiyyəti əldə edən 7-ci məşqçi olub. Aleks Ferqyuson, Arsen Venger, Harri Rednapp, Joze Mourinyo, Devid Moyes və Pep Qvardiola bundan əvvəl 200 qələbə qazanmışdılar.

Yalnız Qvardiola (269) Kloppdan (318) daha az oyunda bu göstəriciyə nail olub.