Koronavirus pandemiyası və sərt karantin tədbirləri ASC «Standard İnsurance» Sığorta Şirkətinin müflis elan olunması ilə bağlı məhkəmə baxışın təxirə salınmasına səbəb olub.

Bu barədə Mərkəzi Bank (AMB) məlumat yayıb.
Xatırladaq ki, AMB İdarə Heyətinin 19 may 2020-ci il tarixli qərarı «Standard İnsurance» Sığorta Şirkətinin sığorta fəaliyyəti üçün lisenziyası ləğv edilib və AMB şirkətin iflas prosedurunun başlanılması üçün məhkəməyə müraciət edib.

«Standard İnsurance»ın müflis elan olunması ilə bağlı 2020-ci il iyulun 6-da keçirilməsi nəzərdə tutulmuş məhkəmə baxışı xüsusi karantin rejiminin sərtləşdirilməsi ilə əlaqədar olaraq təxirə salınıb.

Məhkəmə baxışı 29 iyul 2020-ci il saat 15.00-da Bakıxanov qəsəbəsi, Oskar Əfəndiyev küçəsində yerləşən Bakı Kommersiya Məhkəməsində keçiriləcək. //FED.AZ//


Paylaş: