Avropa Parlamentində Rusiyadan neft-qaz, kömür, nüvə yanacağı ixracına «dərhal tam embarqo»nu nəzərdə tutan qətnamə qəbul ediblər.

Bu barədə Aİ-nın rəsmi saytında deyilir.

Mətndə qeyd olunub ki, embarqo Avropa İttifaqının enerji təchizatının təhlükəsizliyinin təminatı planı ilə müşayiət olunmalıdır.

Amma mətndə qeyd olunub ki, əgər Rusiya Ukraynanın müstəqilliyinin, suverenliyinin və ərazi bütövlüyünün bərpası istiqamətində addımlar atarsa və öz ordusunu Ukrayna ərazisindən tam olaraq çıxardarsa, Rusiyaya qarşı sanksiyalar ləğv oluna bilər.

Avroparlamentin deputatları həm də Aİ-nın liderlərini Rusiyanı G20 və digər çoxtərəfli təşkilatlardan (UNHRC, İnterol, ÜTT, UNESKO) çıxartmağa çağırıblər. Bundan başqa, qətnamədə Rusiya banklarının SWIFT sistemindən çıxarılmasına, Rusiya ilə əlaqəli olan bütün gəmilərin Aİ ərazi sularına daxil olmasını qadağan etməyə çağırış yer alıb.