Elektron Kənd Təsərrüfatı İnformasiya Sistemində aqrar sahədə fəaliyyət göstərən hüquqi şəxslərin qeydiyyatına start verilib.

EKTİS-də 149 hüquqi şəxsin qeydiyyatdan keçəcəyi gözlənilir. İyulun 17-dək 313377 fermer öz aqrar fəaliyyətlərinə dair məlumatları EKTİS-ə daxil edib.

Ümumilikdə 313792 təsərrüfat yeni sistemdə qeydiyyata alınıb. 228366 fermer elektron sistemdə Dövlət Aktı / şəhadətnamə, 63914 fermer Əmlak Məsələləri Dövlət Komitəsinin verdiyi çıxarış, 7279 fermer icarə sənədi, 3278 fermer etibarnamə, 703 fermer vərəsəlik şəhadətnaməsi, 378 fermer arayış, 59 fermer torpaq sahələrinin plan və ölçü sənədi əsasında EKTİS-də qeydiyyatdan keçiblər.

Bugünədək EKTİS-də ən çox Sabirabad (15744), Xaçmaz (12569), Cəlilabad (11385) Bərdə (11187), Şəki (10447), İmişli (10306) və Saatlı (10217) fermerləri qeydiyyatdan keçib.



Paylaş: