Mərkəzi Bank daha 8 şirkətə cərimə protokolu yazıb.

Regionxeberlericom.az Pravda.az-a istinadla xəbər verir ki, bu şirkətlər “Qrant Servis Group”, “İsela”, “Amiron SKS”, "Qamma Kompani", "Armada", "Baku 2019 constraksen", "GFC" və "Aves"dir.

MMC-lər barəsində İnzibati Xətalar Məcəlləsinin 430.4-cü (Valyuta tənzimi qaydalarının pozulması, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsinə əsasən protokollar tərtib olunub.

“Qrant Servis Group”un işinə Sumqayıt Şəhər Məhkəməsində hakim Ramiz Quliyevin sədrliyi ilə (10 avqust), “İsela”nın işinə Sumqayıt Şəhər Məhkəməsində hakim Elçin Məmmədovun sədrliyi ilə, “Amiron SKS”in işinə Sumqayıt Şəhər Məhkəməsində hakim Ramiz Quliyevin sədrliyi ilə (10 avqust), "Qamma Kompani"nin işinə Nəsimi Rayon Məhkəməsində hakim Solmaz Mustafayevanın sədrliyi ilə, "Armada"nın işinə Nərimanov Rayon Məhkəməsində hakim Vüsal Qurbanovun sədrliyi ilə, "Baku 2019 constraksen"in işinə Nəsimi Rayon Məhkəməsində hakim Solmaz Mustafayevanın sədrliyi ilə, "GFC"nin işinə Nəsimi Rayon Məhkəməsində hakim Solmaz Mustafayevanın sədrliyi ilə, "Aves"in işinə Nərimanov Rayon Məhkəməsində hakim Xalidə Əlisoyun sədrliyi ilə baxılacaq.