Naxçıvan Muxtar Respublikasının 2024-cü il dövlət büdcəsi haqqında qanun layihəsi Nazirlər Kabineti tərəfindən Ali Məclisə təqdim olunub.

Bu barədə “Nuhçıxan” məlumat yayıb.

Bildirilib ki, 2024-cü il dövlət büdcəsinin gəlirləri 173105 000,0 manat, xərcləri 516365000,0 manat, gəlir və xərcləri tənzimləmək üçün ayrılan dоtasiya 343260000,0 manat (о cümlədən, mərkəzləşdirilmiş gəlirləri 110 474 000,0 manat, yerli gəlirləri 62 631 000,0 manat, mərkəzləşdirilmiş xərcləri 464 440 000,0 manat, yerli xərcləri 51 925 000,0 manat) məbləğində nəzərdə tutulub.

Həmçinin, şəhər və rayonları üzrə gəlirlər 62 781 000,0 manat, o cümlədən “Avtomobil Yolları” Məqsədli Büdcə Fonduna aid olan məbləğ 150 000,0 manat, yerli xərclər 51 925 000,0 manat, gəlirlərin yerli xərclərdən artıq olan və mərkəzləşdirilmiş gəlirlərə aid edilən hissəsinin məbləği 19 377 000,0 manat, yerli gəlir və xərcləri tənzimləmək üçün mərkəzləşdirilmiş xərclərdən ayrılması nəzərdə tutulan vəsaitin yuxarı həddi 8 671 000,0 manat məbləğində nəzərdə tutulduğu qeyd edilib.