Müğənni Rəksanə İsmayılova qızı Aysunun “Maşın”dan getməsinə münasibət bildirib. 

O, “İnstagramda” canlı yayıma qoşularaq qızına 4-5 min manatlıq səs göndərdiyini deyib:

“Hamı yazır ki, Rəksanə Aysunun qalmağı üçün SMS göndərməyib. Əzizlərim, Aysuna çox gözəl səs göndərilib. Əvvəla Məcid kimdir? Mən heç onu tanımıram. (aktyor Məcid Hüseynov – Red.). Birinci, Aysun Məcidin getməsi üçün səs istədi. Allah şahidim olsun ki, 1500 manatadək SMS göndərdim ki, o, getsin. Sonra reklamarası Aysun MGP işçilərinə deyib ki, anama deyin, Məcidin qalması üçün səs versin. Aysun strategiyanı düzgün seçmədi. Məcid kimdir ki, ona səs göndərim? Ona verdiyim səsləri halal etmirəm. Oyun düzgün aparılmalı idi. Aysunun o gün qalmağı üçün isə 197 min rubl, yəni 4-5 min manatlıq səs göndərmişəm. O pulların qəbzlərini səhifəmdə paylaşsam, şoka düşərsiz. Yazarsız ki, qoyduğum pula iki maşın almaq olar”.

Rəksanə İsmayılovanın qızı Aysun isə dünən şouda Məcidi çıxardığı üçün Ramala təşəkkür edib:

“Ramal, Allah səni var etsin, çox doğru seçim etdin. O qrupdan bir nəfər qaldı, amma məncə, elə maşını da o aparacaq. Heç nə olmaz. Bəli, mən dünən Məcid bəyi çıxaracaqdım, amma sonda gördüm ki, Kəmalə xanım böyük rol oynayır. Nə qədər ki, o xanım var, biz qalib ola bilməyəcəkdik. Onun üçün səs yığsaydım, fikrimi dəyişib Kəmalə xanımı çıxarardım. “Bildiklərini niyə demirdin?” – deyə hamı soruşur. Heç vaxt da deməyəcəm. Çünki Məcid bəy mənə yaxınlaşıb “xalq məni pis tanıyır, verilişdə mənim üstümə gəlməyin” demişdi. Mən də onun iki balası var deyə heç vaxt açıqlamayacağam”.



Paylaş: