Xəbər verdiyimiz kimi, "Maşın” şouda finalçıların adı məlum olub. Dünən oyunda səsverməyə Kəmalə Piriyeva çıxıb və hədəf kimi Lalə Mustafayevanı göstərib. Lakin ilk dəfə səsverməyə çıxan K.Piriyevaya yetərincə dəstək SMS-i gəlmədi və xanım aparıcı şounu tərk etməli olub.
Şou-biznes əhli onun oyunu tərk etməsini bayram edib. Teleaparıcı, prodüsser Tarix Əliyev (Tolik) sosial şəbəkədə şoudan görüntülər paylaşıb və ədalətin bərqərar olmasına sevindiyini bildirib:

“Bax, bu, əsl ədalətli oyun oldu! Murad müəllim göstərdi ki, pul hər şeyi həll etmir! Ədalət öz yerini tutdu! Allah istəməsə, kimlərsə heç nə edə bilməz! Lalə xalqdan səs istədi və xalq kimin hara sahib olmağını göstərdi! Çox sevindim, çox!”

Gənc ifaçı Aysun İsmayılova da nəticəyə sevindiyini deyib:

“Çox sevindim, çünki həyatda insan kiməsə yox, Allahına və xalqına güvənməlidir. Allahım bizi efirdə özünü başqa göstərib, həyatda başqa olan insanlardan qorusun. Çox şükür ki, həcilərə yox, anama güvənirəm”.

Müğənni Xatun isə “İlahi ədalət” yazaraq məsələyə münasibət bildirib.

Müğənni Kərim Abbasov də məsələyə münasibət bildirib. İnstaqramda Kəmalənin şounu tərk etdiyi anın videosunu paylaşan ifaçı nəticəyə görə şoka düşdüyünü deyib.

Xatırladaq ki, bir neçə gün əvvəl müğənni Rəksanə İsmayılova “Instagram” hesabında “Maşın” şou ilə bağlı qalmaqallı açıqlamalar verərək Kəmalə Piriyeva ilə bağlı od püskürmüşdü: “Niyə Kəmalənin əlini maşından çəkməyini vermədiniz? Nəyə görə pul alıb sildiniz? Əgər düzgünlük varsa, işinizi düzgün edin. Niyə düzgün iş görmürsünüz? Mən həqiqət nədirsə, onu deyirəm. Həqiqət budur, yaxşı day-dayın olmalıdır, arxanda səni saxlayan kişi olmalıdır. İmkanlı olsun, oteli olsun, klinikası, restoranları olsun. O pul buraxsın sənin arxandan. Həqiqət budur, əzizim”.


Paylaş: