“Bu bayramda yenə atamın ölüm xəbərini yaydılar”.
regionxeberlericom.az bildirir ki, bunu AzNews.az-a uzun zamandır xəstə yatağında olan meyxanaçı Kərim Novruzovun oğlu Kamil Novruzov bildirib.
O, qeyd edib ki, meyxanaçının ölümü ilə bağlı yayılan məlumatların heç biri həqiqəti əks etdirmir:
“İki-üç gün bundan öncə telefonlarım susmadı, zəng-zəngə calandı. Ayıbdır, adam belə məlumatları bir dəqiqləşdirər, sonra yazar. Axı hər bir insanın ailəsi, yaxınları var. Onlara stres yaşatmaq kimə nə verir? Atamın səhhəti çox yaxşıdır, yeriyir, danışıq qabiliyyəti bərpa olunub. Ayın sonu yenə müayinədən keçəcək”.
Kamil Novruzov vurğulayıb ki, meyxanaçı Kərimin səhnəyə qayıtması öz istəyinə bağlıdır: “Mən atamla bu barədə danışmışam. O, bununla bağlı özünün qərar verəcəyini dedi”.


Paylaş: