Azərbaycanın mərhum sənətkarı, Xalq artisti Səyavuş Aslanın böyük oğlu Çingiz Aslan xeyli vaxtdır Bakının Zabrat qəsəbəsində yaşayış yeri olmayan 18 yaşdan yuxarı şəxslər üçün Sosial Sığınacaqda qalır.

regionxeberlericom.az Azvision.az-a istinadən xəbər verir ki, qaraciyər serrozundan əziyyət çəkən Çingiz Aslanın vəziyyəti ilə maraqlanmaq üçün sığınacağın direktoru Anar İbrahimovla əlaqə saxlayıb. O, bildirib ki, aktyorun oğlu hazırda müalicə alır, vəziyyəti normaldır.
- Çingiz hepatit C xəstliyi ilə əlaqədar müalicə alır. Özünün dediyinə görə, vəziyyəti normaldır. Çox vaxt səhər çıxır, axşam gəlir.

- Sizin sığınacaqda nə qədər qalacaq?

- Burada qalma müddəti 6 aydır. Amma biz onun vaxtını daha 6 ay artırmışıq. Artıq 2 ay gedib, 4 ayı qalıb.

- İşləyirmi? Ümumiyyətlə, nə işlə məşğul olur?

-Yox işləmir. Tüfeyli həyat tərzi keçirir. Belə adamların işləməyi çətindir.

- Sığınacaqda digər sakinlərlə münasibətləri necədir?

- Bir nəfərlə dostluq edirdi. Həmin şəxs özünü nizam-intizam qaydalarına uyğun aparmadığına görə sığınacaqdan xaric edildi.

- Bildiyimə görə, Çingizin əvəllər pis vərdişləri olub. Daha dəqiq desək, narkotik istifadəçisi olub. Hazırda bu vərdişdən uzaqdırmı?

- Şübhələrim var. Düzdür, görməmişəm. Amma halında hiss olunur. Çox vaxt normal görünür. Arada özünü yaxşı aparmır. Gah halı pisləşir. Öz-özünə gülür. Qadınlara sataşmaq kimi yaxşı olmayan vərdişləri də var.

- Yaxınları onunla maraqlanırmı? Qardaşı Eldar gəlib Çingizə baş çəkir?

- Xeyr. Ona heç kim baş çəkmir. Maraqlanan da yoxdur. Bəlkə telefonla danışırlar, amma indiyədək gələn olmayıb.


Paylaş: