Əməkdar artist Vasif Məhhərrəmli Xalq artisti, gitara ifaçısı Rəmişin ( Rafiq Hüseynov ) “Kişi baxımlı olmalı, saçına rəng qoymamalıdır” , fikirlərinə etiraz edib. Lent.az -a açıqlama verən müğənni Rəmişin ünvanına bu sözləri deyib:
“O özü üçün deyir. Kişi baxımlı olmalıdır. Tək sənət adamı deyil, hər kəs istəyir ki, yaxşı görsənsin. Bir sənət adamı özünə baxırsa, bilin ki, işinə görədir. Kök müğənnini heç kim toya aparmaq istəmir. Bir dost müğənnim var, ona bu yaxınlarda dedim ki, kökəlmisən, səni toya aparan olmayacaq. Mən idmana gedirəm. Yemək yemirəm. Niyə yemirəm? Formada qalmaq üçün. Kənardan bizə baxan bəxtəvərçilik oxuyur. Qarnımı qabağa verim, elə müğənni olar? Kişi baxımlı olmalıdır. Hərənin öz fikri var, öz fikrində qalsın. İstəyirsən Xalq və ya Əməkdar artist ol. Ələkləri ələsək, xəmirləri göydə fırıldayar”.
Qeyd edək ki, Rəmiş baxım barədə fikirlərini konkret belə səsləndirmişdi: "Kişi saçına rəng qoymamalıdır. Bəzək qadına yaraşar. Kişi özünü kişi kimi aparmalıdır. Elələrinə heç salam vermirəm".

Onun bu sözlərinə ilk Xalq artisti Faiq Ağayev Lent.az vasitəsi ilə öz etirazını bildirmişdi:
"Bu sözləri deyənlər gedib, Səudiyyə kralı ilə üzbəüz otursunlar. Məkkənin keşiyində duran 80 yaşlı insanın saç-saqqalı qapqaradır. Biz səhnə adamıyıq. Səhnədədir, amma möcüzəsini yaşamır. Hələ də mağara psixologiyasındadır. 20-ci əsrin əvvəlində bu sözlər çox deyilirdi. Bunlarda başlarındakı beyin əvəzi nədir bilmirdi. Sənətə adi həyatın tələbləri ilə yanaşmaq axmaqlıqdır. Müğənniyə, aktyora filmdə öpüşdüyünə görə deyə bilməzsən, vay, ata, ana, bacılarımız var.
Onlar sənətin içində deyillər, kənarda gəzirlər. Heç vaxt da olmayacaqlar. Sənət elələrini itəliyib çıxardır. Qovulan itlər var, kənardan hürüb qaçır. Onlar elələrindəndir".
Qeyd edək ki, sözügedən mövzuya aşağıdakı videonun 22-ci dəqiqəsindən sonra baxa bilərsiniz:



Paylaş: