Bir neçə həftə bundan əvvəl ABŞ-dan Azərbaycana qayıdan müğənni İlhamə Qasımova həyat yoldaşından ayrıldığını etiraf edib.

Bu barədə o, “Ulduzun vaxtı” proqramında məlumat verib. Sənətçi bir müddətdir yayılan söz-söhbətlərə aydınlıq gətirərək hazırda tənha olduğunu qeyd edib:

“Hazırda təkəm. Qadın kimi xoşbəxt olmaq üçün həyatında sevdiyin kimsə olmalıdır. Lakin ümumilikdə xoşbəxtəm, ailəm sağlamdır. Mənim üçün xoşbəxtlik kimdənsə asılı bir şey deyil. Övladım olsa, xoşbəxt olaram. Kiminsə kaprizlərinə görə özümü depressiyaya salmaq istəmirəm. İnsanı əsl sevən onun valideynidir. Beynimdə ideal biri var. O, hər şeyi sakit yolla həll edən, məndən ağıllı, dərketmə qabiliyyəti olan, qarşılıqlı bir-birini anlayan biri olmalıdır”.

Qeyd edək ki, uzun müddətdir media və televiziyalarda İlhamənin boşanma xəbəri yayılsa da, ifaçı deyilənlərin doğru olmadığını bildirmişdi.


Paylaş: