"İndi nə müğənni var, nə də qazancı. Dünya dağılır. Hər şey yaxşıdırmı?"

Bu sözləri müğənni Xatirə İslam sosial şəbəkədə yazıb.

O, hər hadisədə müğənniləri qınayanlara sərt cavab verib:

"Hamının sözünün əvvəli də, axırı da müğənni idi. Hamı gedib-gəlib yalnız müğənniyə və onun qazancına söz atırdı. Sanki bütün dünyada problemləri yaradan sənətçilərdir. Yenə də karantin dövründə kasıba, xəstəyə əl tutan, balasının boğazından kəsib, sizin gözünüzdə qalmaq xətrinə ehtiyacı olanlara kömək edən, bəzən qurunun oduna yaş kimi yanan, öz ailəsindən başqa on ailəyə baxan zavallı müğənnilər... Ən çox zəhməti olan və ləkə yapışan müğənnilər..."

Xanım ifaçı vətəndaşları birlik olmağa səsləyib: "Bu gün Allah bizi sınayır və bizi mehribançılığa çağırır. Gəlin bir olaq. İmkan verməyək kimsə desin ki, oğluma müğənni almaram. Biz o şəraiti yaratmayaq, gec də olsa keçmiş sənətkarlarımız kimi özümüzü qapalı aparaq. Şəxsi həyat haqda bütün xalqın qarşısında danışmaq səmimi olmaq deyil, ağılsızlıqdır".



Paylaş: