Tanınmış el şairi Mehdixan Kəlbəcərli 80 yaşında dünyasını dəyişib.

Bu barədə Kulis.az a mərhumun həmyerliləri məlumat verib.

Mehdixan Kəlbəcərli 1940-cı ildə Kəlbəcər rayonunun Zar kəndində anadan olub. Orta məktəbin 7 ilini həmin kənddə, qalan 3 ilini isə rayon məktəbində oxuyub.

1965-ci ildə Gəncə Dövlət Pedaqoji İnstitutunun dil-ədəbiyyat fakültəsinə qəbul olub, 1969-cu ildə ali məktəbi fərqlənmə diplomu ilə bitirib.

1969-cu ildən 1993-cü ilin aprel ayına qədər öz doğma kəndi olan Zardakı orta məktəbdə ixtisas müəllimi, daha sonra isə bir müddət həmin məktəbin direktoru vəzifəsində çalışmışdır.

1993-cü ildən bəri məcburi köçkün kimi Bakı şəhərində məskunlaşan el şairi müəllimlik peşəsində çalışmaqla yaradıcılığını uğurla davam etdirir.

Onun Kəlbəcər həsrəti ilə kçoxlu şeirləri vardır.

Doğma yurdunun işğaldan təmizləndiyi vaxt dünyasını dəyişməsi insanlarda ikiqat kədər yaradıb.

Allah rəhmət eləsin.


Paylaş: