"Təəccüblənmirəm. Atamdan sonra bunları gözləyirdim. O, baryeri quran atam idi. Atam deyirdi ki, qızıma heç kim toxunmasın. Heç kim də ordan keçə bilməzdi".

Bu sözləri müğənni Səidə Dadaşova "Xəbər-ətər" proqramında deyib. Mərhum Xalq artisti, atası Rafael dadaşovdan danışan sənətçi bildirib ki, çoxları onu indi yada salmır. Səidə atasından sonra yaşadıqlarını açıqlayıb:

"Bilirdim ki, hər şey atam var deyə göstəriş üçündür. Mən də onların hörmətini atama görə saxlayırdım. Deyirdim ki, çərçivəni saxlamalıyam. Önümdə atam dayanırdı, o olan yerdə danışa bilməzdim. Mən atamdan icazəsiz söz deyə bilməzdim, hər şeyi onunla məsləhətləşirdim. İndi olanlara heç təəccüblənmirəm. Mənə nə lazımdır? Əmim, bibim, xalam Səidə Dadaşova var. Onunla eyni soyadı və adı daşıyırıq. Atam məni hər zaman xoşbəxt və gülən görmək istəyirdi". /Axsam.az


Paylaş: