“Azərbaycanda gün ərzində 500-dən çox gizli toy edirlər. Bu gizli toylar nə vaxtadək davam edəcək? Ya icazə verilməlidir, ya da qarşısı alınmalıdır”.

Bu barədə müğənni Xatirə İslam öz instaqram səhifəsində bildirib. Sənətçi insanların sərt karantin qaydalarını pozduğunu, gizli şəkildə toyların keçirildiyini vurğulayıb.

İfaçı, hətta məclislərə dəvət edildiyini qeyd edib: “Xahiş edirəm ki, toyların keçirilməsinə tam icazə verilmədən heç bir tanışım, dostum, ya da toyuma gələn şəxs məni gizli keçirdiyi məclisinə dəvət etməsin. Mən qayda-qanun adamıyam. Getdiyim məclisdə rahat olmalıyam. Məni başa düşün”, - deyə Xatirə İslam əlavə edib.


Paylaş: