Xəbər verdiyimiz kimi, əməkdar artist Vahid Əliyev qalmaqallı açıqlamasıyla gündəmə gəlib. O, deyib ki, Elməddini, Fərdanı və Müşfiqi nə aktyor hesab edir, nə də onları özünə həmkar sayır. Vahid Əliyev deyib ki, Elməddin Cəfərovdan Ədil İsgəndərovun kim olduğunu soruşdum, amma bilmədi.

Moderator.az-ın əməkdaşı aktyor Elməddin Cəfərovla əlaqə saxlayıb. E.Cəfərov V.Əliyevin onları savadsız adlandırmasını gülərək qarşılayıb və bir neçə gün öncə özünü cavanlaşdırmaq üçün üzündən əməliyyat olunan sənətkara şəfa diləyib:

“Onun bu sözlərinə nə münasibət bildirib? Üzündən əməliyyat etdirmişdi, uğurlu keçməsini diləyirəm. Allah şəfasını versin. Ona cavab vermək istəmirəm. Boş verək” - deyə aktyor bildirib.

Qeyd edək ki, V.Əliyev onların tamaşaçının zövqünü korladığını bildirib. “Bu şəhərdə”nin aktyorları, əməkdar artistlər Rafael İsgəndərov və Coşqun Rəhimovu onlardan istedadlı adlandırıb.



Paylaş: