“Şou-biznesin virusları verilişimdə olmayacaq.

Bunu tanınmış aktyor, rəssam və aparıcı Şəhriyar Əbilov yeni mövsümdə efirə gedəcək verilişi ilə bağlı danışarkən Yenicag.az-a açıqlamasında deyib.

Azərbaycan Televiziyasında yayımlanacaq “1AzTV” proqramının aparıcısı yaradıcılığından da uzaq düşməyəcəyini bildirib:

“Verilişdə dəyişiklikləri mərhələ-mərhələ görəcəksiniz. Verilişi sərbət və rahat şouya çevirmək istəyirik. Senzuranı qoruyacağıq. Bizə reytinq lazım deyil. Hər yerindən duranı verilişə çağırmayacağıq. Yaradıcı insanları verilişə dəvət edəcəyik. Bir sözlə, şou-biznesin virusları verilişimdə olmayacaq”.

Aparıcılıq Şəhriyarın bir aktyor və rəssam kimi yaradıcılığına təsir göstərəckmi?

“Əslində, hər bir iş bir neçə yerə bölünəndə enerji azalır. Çalışacam, televiziya ilə yaradıcılığım bir-birinə mane olmasın. İstədiyim filmə rahat-rahat çəkiləcəm. Allahın izni ilə çalışacam, hamısını bir arada çatdırım. Qarşıda bir bədii filmə çəkilmək də planımda var”, – Şəhriyarın cavabı belə olub.


Paylaş: