Uzun illərdir Türkiyədə yaşayan Xalq artisti Cahangir Novruzov Bakıya qayıdır.

Onun ölkəyə qayıtmasına səbəb teletamaşa çəkilişi ilə bağlı dəvət almasıdır:

““Azərbaycantelefilm”in direktoru Ramiz Həsənoğlu və “Sabah” Yaradıcılıq Birliyinin rəhbəri Şərif Qurbanəliyev mənə telefonla zəng etdi. Uzun illərdən sonra yenidən AzTv-də tamaşalar ənənəsinin bərpası xəbərini verdilər. Dəvət əsasında Bakıya gələcəm və yeni “Zəng” adlı teletamaşanın çəkilişlərinə başlayacağıq. Uzun illərdən sonra yenidən ekranlara qayıdıb, Azərbaycan xalqını sevindirəcəyik. Hazırda “Zəng”in üzərində çalışıram. Çox maraqlı, fantasmoqorik bir əsərdir”.

Qeyd edək ki, Cahangir Novruzov əfsanəvi aktrisa Nəsibə Zeynalovanın oğludur və 1995-ci ildən Türkiyədə yaşayır.



Paylaş: