"Həm teatr, həm də konsert müəssisələri mövsümü açır. Yay mövsümündə onlar yeni işlər hazırlayıblar".
regionxeberlericom.az "Report"-a istinadən xəbər verir ki, bunu Mədəniyyət naziri Əbülfəs Qarayev keçirdiyi mətbuat konfransında deyib.
Onun sözlərinə görə, bütün müəssisələrə yeni dövlət sifarişləri verilib: "Bütün teatrlara birdəfəlik maddi yardım göstərilib. Bir sıra köhnə teatrlar bərpa olunub, proses davamlı şəkildə aparılır. Bundan sonra da bu istiqamətdə işlər davam etdiriləcək".
Nazir qeyd edib ki, Üzeyir Hacıbəyli adına beynəlxalq festivalda bu il Rusiya,Çin və Avstriyadan qonaqlar olacaq: "Bu il həmçinin bir sıra vacib tədbirlər həyata keçiriləcək".
Ə.Qarayev əlavə edib ki, Ermənistan hər zaman Azərbaycanın nailiyyətlərinə kölgə salmağa uğursuz cəhdlər edir: "Ona görə də bizim cavabımız yaradıcı prosesimizin uğurla davam etməsi ilə verilə bilər. Azərbaycan mədəniyyətinin dünyaya tanıdılması istiqamətində işləri gücləndirməliyik. Xalqımız kimsənin yaratdığı nemətə heç vaxt əl uzatmayıb. Amma bizim nemətlərə hər zaman əl uzadılıb".
O həmçinin Sami Yusufun Nəsiminin əsərinə hazırladığı kompozisiya barədə də danışıb: "Bu iş alqışlanan idi. Biz onu o vaxt qəsdən yaymadıq. Çünki razılıq əldə olunmuşdu. Yazılan rəyləri, fikirləri oxuyuram və çox xoş oldu. Yaradıcı insanların işi hər zaman göz önündə olur".


Paylaş: