Normal iş vaxtının müddəti və ya tədbiqi ilə əlaqədar praktikada bir qayda olaraq əmək mübahisələri yaranmır və ya nadir hallarda yaranır. Lakin növbə üsulu ilə işləyən işçilər və işəgötürənlər arasında bununla əlaqədar tez-tez əmək mübahisələri yaranır. Bunun da əsas səbəbi odur ki, növbə üsulu iş rejiminin tənzimlənməsi qayda və şərtlərini AR-nın Əmək Məcəlləsi birbaşa olaraq tənzimləmir və bunu Məcəllənin tələblərinə əməl etməklə tərəflərin üzərinə qoyur.

Növbə üsulu ilə və ya iş vaxtının cəmlənmiş uçotunun tətbiqi qaydası: Kollektiv müqavilə ilə, Müəssisədə iş vaxtının rejimini müəyyən edən qaydalarla və ya Əmək müqaviləsi ilə tənzim edilir.

Bu qaydada işləyən işçilərin iş vaxtı rejimində hər hansı bir dəyişikliklər edilməsi bu 3 sənəddə olan tərəflər arasında olan razılaşma əsasında həyata keçirilə bilər.

Əgər qeyd olunan şərtlər birbaşa olaraq Əmək müqaviləsində göstərilibsə, işçinin razılığı olmadan birtərəfli qaydada dəyişdirilə bilməz .