Bu gün Azərbaycan Milli Məclisinin payız sessiyasının ilk plenar iclası keçiriləcək. Qeyd edək ki, gündəliyə 20 məsələ daxildir.

Bunlar "Məişət zorakılığının qarşısının alınması haqqında", “Sosial xidmət haqqında”, “Dağınıq skleroz xəstəliyinə tutulmuş şəxslərə dövlət qayğısı haqqında”, “Həbs yerlərində saxlanılan şəxslərin hüquq və azadlıqlarının təmin edilməsi haqqında”, “Peşə təhsili haqqında”, “Təhsil haqqında”, “Reklam haqqında”, “Uşaq hüquqları haqqında” Məktəbəqədər təhsil haqqında”, “Kinematoqrafiya haqqında”, “Kütləvi informasiya vasitələri haqqında”, “Nəşriyyat işi haqqında”, “İctimai televiziya və radio yayımı haqqında”, “Telekommunikasiya haqqında”, “Teatr və teatr fəaliyyəti haqqında”, “Hərbi qulluqçuların dövlət icbari şəxsi sığortası haqqında”, “Əmək pensiyaları haqqında”, "Azərbaycan Qızıl Aypara Cəmiyyəti haqqında", "Dövlət rüsumu haqqında" və qanunlara, o cümlədən Cəzaların İcrası, İnzibati Xətalar, Mülki məcəllələrə dəyişiklik layihələridir.

DİA.AZ-a mötəbər mənbələrdən daxil olan informasiyaya görə, bu gün eyni zamanda son günlər adı borc qalmaqalında hallanan millət vəkili Rəafel Cəbrayılovla bağlı məsələ də müzakirə olunacaq. Artıq bu barədə ilkin tədarük ab-havası da var.

Məlumata görə, bundan sonra deputatın məsələsinə MSK-da baxılması planlaşdırılır: "Bütün bunların yekunu olaraq isə Cəbrayılovun mandatının ləğvi gözlənilir".


Paylaş: