Əli İnsanov keçmiş məhbəs yoldaşları ilə görüşdü...

- Əli İnsanov hüquq-müdafiəçiləri ilə görüşdü...

- Əli İnsanov Şəhidlər Xiyabanını ziyarət etdi...

- Əli İnsanov filan elədi, bəhmən elədi... və s.

Bu gün gördüyümüz və vərdiş etdirildiyimiz xəbər başlıqlarındandır...

***

Bəli kimlərsə net şəkildə Əli İnsanovun ciddi piarını aparır. Əli həkim də üzərinə düşən missiyanı Hollivud aktyorlarından geri qalmayacaq şəkildə icra edir. Hətta keşiş Branson Türkiyə türməsindən qurtulanda bu qədər "Böyük Amerikaya" (ifadə Əli həkimə məxsusdur -red.) biət etdiyini ifadə etməmişdi ki, bizim Əli həkim etdi.

Amma biz binəvalar evdə körpələrimizə illərdir ki, "BÖYÜK AZƏRBAYCAN" sevdasını aşılayırıq...körpələrimiz bir yana, barəmizdə belə bu qədərinin cüizisincə olsa da, danşılmır, söhbətimiz aparılmır, cibimizə pulbasılmır. Hər zaman olduğu kimi 21-ci əsrin Azərbaycanında yenə də vətən sevgisi qara qəpik etmir. Gerçək dəyəri ilə tərs-mütənasiblik təşkil edir... Hətta "vətənə sevdalılıq" dəbə minəndə belə gerçək aşiqlər ruhi xəstə yerinə qoyulur. İndiki kimi...
Əli İnsanov isə bu gün ACIMASIZ vətənpərvər kimi meydanaatılıb. Şəhidlər xiyabanında kövrək bahar bənövşəsi kimi boynunu bükərək poz verir. Sanki 30 ildir həbsdə imiş... Hər şey o həbsdə olanda baş verib. İndi-indi azad olub. İndi-indi Şəhidlər Xiyabanını ziyarət imkanı əldə edib.

***

Yox, mənim Əli həkimlə işim yoxdur. Hirsimi tökməyəcəm. İllərdir səbr etdiyim kimi yenə də müşahidə edəcəm.

Edirəm də...

***

Amma mənə bir şey maraqlıdır, qardaşlar: BU KÖHNƏ MALI TƏZƏ BAZARDA HANSI USTA ESNAF XIRID EDİR? Gəlsin, əllərindən öpək... Çünki biz belə... bu yazımızla belə... onun əlinə oynayırıq...

Yaxşı bilirik ki, Əli həkim burada malzəmədir. Pis də olsa, yaxşı da olsa... əldə olan material budur. Nəticəsini hələ irəlidə görəcəyik.

Maraqlı odur ki, kim bundan zad düzəltmək istəyir?

Və ən maraqlısı odur ki, kim bu təbliğatı yeyəcək?..

***

Və bu köhnə malı xırıd edənlər bilməlidir ki, illərdir bu millət o qədər ustalaşıb ki, artıq hər kəs bir əsnafdır və qarşısında təqdim olunana usta gözü ilə baxır...

***

Yeyənə nuş olsun!

***

Sonda yenə də qayıdaq BÖYÜK AMERİKA-nın Kolumb yox, bu dəfə Əli həkim tərəfindən kəşfinə... Yenə də Keşiş Branson yada düşür. Necə ki, Romalıların papalarından böyük katoliki görən olmayıb, məncə Əli həkim də keşiş Bransondan yekə Amerika sevdalısı ola bilməyəcək.

Məhəmməd ƏRSOY
DİA.AZ-ın Baş redaktoru


Paylaş: