Bir ay əvvəl Goranboy Rayon Mərkəzi Xəstəxanasında Hemodializ şöbəsi açılsa da pasiyentlər oradakı aparatların köhnə olmasından şikayətçidirlər.

RegionXəbərləricom.az “İTV”yə istinadən xəbər verir ki, xəstələr köhnə və istifadəyə yararsız cihazların olduğunu, bu cihazların da onların sağlamlığına ciddi təsir göstərdiklərini bildirib.

“Aparatların hamısı köhnədi. Hemodializ şöbəsi yeni açılıbsa, hanı təzə aparatlar? Burada mənim övladımın həyatıyla oynayırlar. Aparatların batareyaları olmalıdır ki, onlar enerji saxlasın. İşçilər də təzə olduğu üçün təcrübəsizdilər deyə qanı bədənimizə qaytara bilmirlər”.

Məsələ ilə bağlı şöbə müdiri Şəhruzə Rüstəmova isə bildirib ki, hazırda 10 ədəd yeni və işlək aparat var:

“Hansısa texniki nasazlıq olduğu zaman problem aradan qaldırılır. Xəstələrin dializə açılıb bağlanmasında problem yaranmır". 

Ətraflı videomaterialda: