Abşeron rayonun , Qobustan kəndində yaşayan Bayramov Habil Əlikram oğlu tərəfindən bir sra dövlət qurumlarnın rəhbərlərinə şikayət ərizəsi ünvanlanıb. regionxeberlericom.az bildirir ki, bir nüsxəsi də DİA.AZ-a göndərilən müraciəti olduğu kimi təqdim edirik:

"2008-ci ildə qardaşım Qürbət Bayramov Abşeron rayon ərazisində cinayət hadisəsi törətmiş və Cinayət Məcəlləsinin 126.1-ci maddəsi üzrə təqsirli bilinərək istintaqa cəlb edilmişdir. Qardaşım Qürbət Yaşar Bayramovun 4 baş malını tövlədən apardığına görə saxlanılmışdır.

Oğurlanan malların sahibi Yaşar Bayramov əvvəlcə mənə bildirdi ki, 4 baş malımı gətir qaytar mən də şikayətimi geri götürüm. Mən ona qardaşımın əvəzinə 4 baş mal aparıb həyətinə düşürdüm. O razı olmadı. Qeyd etdi ki, mallarının qiyməti 6000 manatdır, get malları sat pulunu gətir. Mən malları 2700 manta bazarda satıb əlavə 200 manat da qoyub Yaşara verdim. O yenə razılaşmadı. Şişirdilmiş qiymətlə məndən əlavə 3300 manat tələb etdi. O şikayətini geri götürmədi. Qardaşım da 4 il müddətinə həbsə göndərildi. Buna baxmayaraq Yaşar mənə qarşı “Pul tələbinə dair” Qobustan rayon Məhkəməsinə iddia ərizəsi Verdi. Qobustan rayon məhkəməsinin 08 aprel 2015-ci il tarixli qətnaməsi ilə iddiaçı İsmayılov Yaşar Bayram oğlunun cavabdeh Bayramov Habil Əlikram oğluna qarşı borc tələbinə dair iddiası təmin edilmiş, Bayramov Habil Əlikram oğlundan 3500 (üç min beş yüz) manat məbləğində pulun və ödənilmiş 30 (otuz) manat dövlət rüsumunun alınıb iddiaçı İsmayılov Yaşar Bayram oğluna verilməsi qət edilmişdir. (hakim Qalib Hacıyev) Qətnamədən mən cavabdeh olaraq apellyasiya şikayəti vermişdim. Sumqayıt Apelyasiya Məhkəməsinin Mülki Kollegiyasının 02 fevral 2016-cı il tarixli 2(105)- 405/2016 saylı qətnaməsi ilə cavabdeh tərəfindən verilmiş apelyasiya şikayəti təmin edilmiş, Qobustan rayon Məhkəməsinin 2(026)-141/2015 saylı, 08 aprel 2015-ci il tarixli qətnaməsi ləğv edilərək iş üzrə yeni qətnamə çıxarılmış, iddiaçı İsmayılov Yaşar Bayram oğlunun cavabdeh Bayramov Habil Əlikram oğluna qarşı 3500 (üç min beş yüz) manat pul tələbinə dair iddiası rədd edilmişdir. Azərbaycan Respublikası Ali Məhkəməsinin 21 iyun 2016-cı il tarixli qərarı ilə iddiaçı İsmayılov Yaşar Bayram oğlunun kassasiya şikayəti qismən təmin edilmiş, Sumqayıt Apelyasiya Məhkəməsinin Mülki Kollegiyasının 02 fevral 2016-cı il tarixli qətnaməsi ləğv edilmiş və iş yenidən baxılmasından ötrü apellyasiya instansiyası məhkəməsinə göndərilmişdir. Sumqayət Apellyasiya Məhkəməsi sədrlik edən Elman Rəhimovun icraatında iş yenidən baxılmış və 21 noyabr 2016-cı il tarixli, 29026)-405/2016 saylı qətnaməsilə İş üzrə Qobustan rayon məhkəməsinin 08 aprel 2015-ci il tarixli qətnaməsi ləğv edilmiş, iş üzrə yeni qətnamə çıxarılmış. İddiaçı İsmayılov Yaşar Bayram oğlunun cavabdeh Bayramov Habil Əlikram oğluna qarşı borc tələbinə dair iddiası təmin edilməmişdir. Və yenə də Sumqayıt Apellyasiya məhkəməsi işin əsassız olduğunu təsdiq etdi. Aradan 2 il keçdikdən sonra Qobustan rayon İcra şöbəsindən icra məmuru Xəqani Əliyev adlı birisi 2 ay əvvəl mənə zəng edərək bildirdi ki, sən təcili Yaşar Bayramova olan 3300 manat pulu 100 faiz ödəməlisən. Mən onu başa saldım ki, axı bu məsələyə Sumqayıt Apellyasiya məhkəməsində iki dəfə baxılaraq birdəfəlik xitam verib, bu necə olur? İzah etdi ki, Y.Bayramov səni yenidən məhkəməyə verib 3300 manat pul tələb edib. Sən məhkəmədə iştirak etməsən də hakim qiyabi qətnamə qəbul edib iddianı təmin edib və icra edilməsi üçün bizə göndərib. Mən icra məmuru Xəqanilə görüşdüm. Xahiş etdim ki, həmin qətnamənin sürətini bir tərəf olaraq mənə versin. Etiraz etdi ki, məndə yoxdur. Əvəzində o telefonda hansısa sənədi mənə göstərdi. Mən bir çoban olduğuma görə icra məmuruna bildirdim ki, telefonda bu sənədi oxuya və yenidən şikayət verə bilmirəm. Qeyd etdi ki, əgər gedib bu qətnaməni məhkəmədən istəsən səndən 500 manat alacaqlar. Yaxşısı budur ki, pulun hamısını təcili ödə. Mən etiraz etdim ki, bir dəfə məhkəmənin baxdığı işə yekun qətnamə verilibsə, üçncü dəfə eyni tələblə iddia vermək qanunsuzluqdur. Xəqani Əliyev mənimlə razılaşmadı. Və dəqiq başa düşdüm ki, icra məmuru iddiaçı olmuş Y.Bayramovla gizli sövdələşərək məni qorxutmaqla 3300 manat pulumu alıb bölüşdürmək istəyirlər. Aradan 1 həftə keçməmiş Xəqani mənə bildirdi ki, səni polisə vermişəm. Qoy səni tutub məcburi gətirsinlər ki, pulu tam ödəyəsən. İndi Xəqani bir tərəfdən, polislər də bir tərəfdən məni axtarmaqla məşğuldurlar. Qoymurlar ki, gedib nökərçilik edib evdəki 4 uşağa quru çörək gətirim. Adam kimi daxmama gələ bilmirəm. Digər tərəfdən mənə qəsdən imkan verilmir ki, iştirak etmədiyim və qətnaməsini almadığım məhkəmədən yuxarı insatnsiyaya şikayəti verim.

Əksinə, mənim 2 və 7 sentyabr 2019-cu illərdə Qobustan İcra məmuru. Ağdamdan olan məcburi köçkün Əliyev Xəqani yaxınlarına söz verib ki, mən Habil bayramovu ondan yuxarı insatansiyalara şikayət etdiyim üçün 10 sutka həbs cəzası verdirəcəyəm. Bu da icra məmurunun mən çobana qarşı şəxsiqərəzliyi. Bu məmurdan soruşan yoxdur ki, əgər vətəndaş icraya səsbəb olmuş rellıqda mövcud olmayan qətnaməni istəyirsə niyə surətini ona vermir, əvəzində 500 manat istəyirsən? Bu arada Məhkəmə hüquq şurasına yazdığım şikayətə cavab olaraq Qobustan rayon Məhkəmə hakimi Mirələm Quliyev 11 sentyabr 2019-cu il tarixli cavab məktubunda qeyd edir: “Qobustan rayon məhkəməsinin 08 aprel 2015-ci il tarixli qətnaməsindən apellyasiya şikayətinə əsasən mülki iş baxılması üçün Sumqayıt apellyasiya məhkəməsinə göndərilmişdir.

Qobustan rayon icra şöbəsinin 09 avqust 2018-ci il tarixli icraata başlamaq haqqında qərarın surətindən görünür ki, borclu olduğunuz həmin iş Qobustan rayon icra şöbəsinin icraatındadır.” Qobustan rayon məhkəmə hakimi bildirir ki, həmin mülki iş baxılması üçün Sumqayət apellyasiya məhkəməsinə göndərilib. Bəli biz də bilirik ki, Sumqayıt apellyasiya Məhkəməsi iki dəfə Qobustan rayon məhkəməsinin 08 aprel 2015-ci il tarixli qətnaməsini ləğv etmişdir. İndi yenidən ləğv edilmiş əsassız qətnamənin hakim mirələm Quliyevin icraata yönəltməsi anlaşılan deyil, əsassızdır və yazdığı icra vərəqəsi tam saxtadır.

Çoxhörmətli cənab Prezident və Mehriban xanım! Bildirirəm ki, Ədliyyə Nazirliyinin Qobustan İcra Şöbəsinin işçisi Xəqani Əliyevin mənə qarşı tətbiq etdiyi əsassız və qurama qanunpozuntusu hallarına qəti etirazımı bildirir və Sizlərə güvənərək son dəfə xahiş edirəm ki, mənim 4 azyaşlı övladımın olmasını, özümün və həyat yoldaşımın işsiz olmasını, çox pis iqtisadi durumda yaşadığımızı nəzərə alaraq Qobustan icra məmurunun mənə qarşı planlaşdırdığı özbaşnalığı və ciddi qanunpozuntusu hallarının dərhal qarşısının alınması üçün Ədliyyə naziri hörmətli Fikrət Məmmədova, Baş Prokurorluğa tədbir görməsi üçün göstəriş verəsiniz. Axı bizi kimi məzlum insanları şərləməklə əlimizdə olan qəpik-quruşa tamah salmaq dövlət məmuruna yaraşmaz. Qoy bu harınlar gəlib yaşadığım daxmaya baxsınlar. Əgər burada bircə qiymətli əşya tapa bilsələr götürüb aparsınlar. Qobustan rayon Məhkəməsi də açıq izahat versin ki, hansı instansiyanın qanuni qüvvəyə minmiş məmhkəmə qətnaməsinə əsasən icra vərəqi yazıb icraata yönəltmişdir".


Paylaş: