“Bir necə gün öncə ölkə Prezidenti İlham Əliyev Şamaxıda qəzalı vəziyyətə olan 2 saylı tam orta məktəb barəsində iradını bilirmişdi. Qeyd edim ki, Şamaxı şəhər 2 saylı tam orta məktəb binası üç mərtəbədən, iki korpusdan, 94 sinif otağından ibarətdir. Məktəbin qəzalı vəziyyətdə olan korpusu 1985-ci ildə, digər hissəsi 2005-ci ildə tikilib. 1000-dən məktəblinin təhsil aldığı elm ocağında siniflərin, tavan, döşəmə və divarları qəzalı vəziyyətə düşüb”.

regionxeberlericom.az Cebhe.info-a istinadən xəbər verir ki, bunu təhsil eksperti Kamran Əsədov deyib.

Ekspert 1995-2018-ci illər arası məktəbin nəticələrini təhlil edib:

“Məktəbin nəticələri bizim üçün maraqlı oldu və araşdırdıq. Təhlil edilən dövr ərzində "Tarix" fənni üzrə məktəbin orta göstəriciləri respublika üzrə orta səviyədən yüksək, "Ana dili", "Ədəbiyyat", "Riyaziyyat", "Fizika", "Kimya", "Coğrafiya", "İngilis dili", "Alman dili", "Ümumi fənn bloku" fənləri üzrə respublika üzrə orta səviyədən aşağı, "Biologiya" fənni üzrə isə orta respublika səviyəsində olmuşdur.

2018-ci ilin qəbul kampaniyasına nəzərən son qəbul kampaniyasında "Ana dili", "Riyaziyyat", "Kimya", "Coğrafiya", "İngilis dili" fənləri üzrə düzgün cavabların faizinin artması və "Ədəbiyyat", "Fizika", "Tarix", "Alman dili", "Ümumi fənn bloku" fənləri üzrə azalması müşahidə olunmuşdur. Orta hesabla, təhlil edilən dövr ərzində oğlan məzunlarının göstəriciləri qız məzunlarının göstəricilərindən "Tarix", "Coğrafiya" fənləri üzrə , qız məzunlarının göstəriciləri isə "Ana dili", "Ədəbiyyat", "Riyaziyyat", "Fizika", "Kimya", "Biologiya", "İngilis dili", "Ümumi fənn bloku" fənləri üzrə yüksəkdir.

Təhlil edilən dövr üzrə məktəbin məzunlarının ali məktəblərə orta qəbulolma faizi 34.01, qəbulolma göstəriciləri üzrə ümumiləşdirilmiş reytinq isə 0.770 bərabər olmuşdur. 1999, 2000, 2001, 2002, 2004, 2007, 2013-cü illərin qəbul kampaniyalarında qəbulolma faizi orta respublika göstəricisindən yüksək, 1995, 1996, 1997, 1998, 2003, 2005, 2006, 2008, 2009, 2010, 2011, 2012, 2014, 2015, 2016, 2017, 2018-ci illərin qəbul kampaniyalarında isə aşağıdır. Son qəbul kampaniyasında qəbulolma faizi 16.39% artıb , məzunların orta balı 18.85 artıb , ümumiləşdirilmiş reytinq isə 0.135 artıb.

Fənlər üzrə şagirdlərin imtahan qiymətlərinin 2012-2018-ci illər üzrə dinamikasının təhlilində görürük ki, son altı ildə ana dili və rus dili fənlərindən 26 və daha çox suala düzgün cavab verən "5", 18-25 suala düzgün cavab verən "4", 8-17 suala düzgün cavab verən "3" və 8-dən az suala cavab verən isə "2" qiymət almışdır. Riyaziyyat fənni üzrə isə bu göstəricilər uyğun olaraq 25-30, 17-24, 8-16 və 0-7 olmuşdur. 2012-ci ildə bu göstəricilər ana dilindən müvafiq olaraq 26-30, 17-25, 5-16, 0-4, rus dilindən 25-30, 17-24, 5-16, 0-4 və riyaziyyatdan isə 26-30, 16-25, 5-15, 0-4 olmuşdur.

Nəticələrin təhlili göstərir ki, Şamaxı 2 saylı tam orta məktəb müsbət göstərəticiləri olan, yaxşı təhsil ənənəsinə malik məktəbdir”.


Paylaş: