Ağsu rayon icra hakimiyyətinin işdən çıxarılan müavini İqbal Mikayılovun qaçması haqqında söz -söhbət dolaşır. Bu söz-söhbətin şayiə, yoxsa doğru olduğunu müəyyən etməyə çalışırıq. Bu barədə DİA.AZ-a daxil olan məlumatda deyilir.

Xəbərdə daha sonra bildirilir: "Onu da vurğulayaq ki, bu şəxsin borcluların əlindən qaçması gerçək görünür. Nədən İqbal Mikayılov təbii fəlakət nəticəsində qəzalı vəziyyətə düşən evlərin bərpasına dövlət büdcəsindən ayrılan vəsaitlərin mənimsənilməsində əsas fiqur kimi tanınır. İş o yerə çatmışdı ki, 2 min manat təmir işləri və 5 min manat evlərin yenidən tikilməsi üçün rüşvət alınırdı. Elə bu rüşvət -korrupsiya “xidməti”nin sonucu olaraq, əsl ziyançəkən evsiz-eşiksizlər yox, eldə deyildiyi kimi, “lotu-potular” yeni ev yiyəsi olublar. Təsəvvür edin , təbii fəlakətdən ziyan çəkən Qarabağ əlilinə yardım etməmək üçün Ağsu RİH Ekologiya və Təbii Sərvətlər Nazirliyindən rəy alıb ki, Ağsuda heç bir təbii fəlakət qeydə alınmayıb.(??) Belə icra hakimiyyəti , belə xalqa xidmət olar? Rayonun Muradlı kəndində sığınacaq tapan Ağdam rayonundan məcburi köçkün ailəsinin sığınacağı isə hələ də nəinki yenidən tikilib, heç adi kosmetik təmir də edilməyib! Axı, ona yaxın ailə üzvü olan zavallı məcburi köçkün ailəsi bu icra dələduzlarına 2-5 min manatı haradan tapıb versin? ! Yeni başçı da köhnə problemləri çökməkdə , hələ ki , maraqlı görünmür..."

İddia olunanlarla bağlı dia.az olaraq bütün maraqlı tərəfləri dinləməyə hazırıq...


Paylaş: