Məlum olduğu kimi Masallının keşmiş icra başçısı Rafil Hüseynov Ağcabədiyə, Ağcabədinin sabiq RİH rəhbəri isə Masallıya təyin olundular. Qeyd edək ki, ilk dəfə deyil icra başçıları yerdəyişməsi eyni günə təsadüf edir və buna qədər son olaraq Saatlı-Sabirabad, Ağstafa-Goranboy rayon rəhbərlərinin eyni qaydada yer dəyişdiklərinin şahidi olmuşuq.

Amma bu dəfə DİA.AZ-a yazılan müraciətdə Masallı sakinləri olaya başqa cür reaksiya veriblər. Oxucularımızdan biri dia.az-a yazır:

"Mən burdan üzümü Ağcabədi sakinlərinə tutaraq müraciət edirəm. Rafil Hüseynovdan ehtiyatlı olsunlar. Onun qədər kinli və nifrət içində saxlayan bir başçı yoxdur. Onun əlinə fürsət düşərsə bütün ölkəni yandırar. Bu vaxta qəər hansısa Masallı sakini deyə bilməz ki, məhz Rafil Hüseynov tərəfindən zərrə qədərində də xoş münasibət görüb.

İndi də Ağcabədi sakinlərini eyni təhlükə gözləyir... Daha dəqiqi, artıq bu təhlükə onları haqlayıb. Allah köməkləri olsun.

Rafil Hüseynov Masallıda etməyə fürsət tapmadığı pisliklərə yəqin ki, Ağcabədidə fürsət tapacaq".

Dia.az olaraq qarşı tərəf də dinləməyə hazırıq. Amma yaxşı bilirik ki, Rafil Hüseynov mövqeyini bizə yox, mhəkəmələrə bildirəcək. Yəni belə bir yol seçəcək. Həmin yolda isə məğlubiyyətə uğradığı faktdır. Çünki bu ölkə Rafil Hüseynov kimilərinin kin-küdurəti ilə yox, qanunlarla idarə olunur. Yenə də cənab Rafil Hüseynovun mövqeyini işıqlandırmağa hazır olduğumuzu bəyan edirik...


Paylaş: