Bərdə rayonunda qeydiyyatda olan, müvəqqəti Bakı şəhəri, Nizami rayon, E. Süleymanov küç, 25/66, mənzil 399, G blok 2-ci qrup müharibə əlil, Həsənov Seymur Sətdar oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Bildirmək istəyirəm ki, Bərdə rayon hərbi komisarlığından çağırılaraq, 12.10.1992-ci ildən yanvar 1993-cü ilədək 107 (156) saylı hərbi hissədə (Hərbi Polisin nəzdində olan hərbi hissə) xidmət etmişəm. 29.01.1993-cü ildə Fizuli rayon istiqamətində gedən döyüşlər zamanı ağır yaralanmışam, Bakı şəhəri 3 saylı şəhər klinik xəstəxanasında müalicə olunmuşam və göndərişlə 08.02.1993-cü ildən 02.03.1993-cü ilədək Bərdə rayon mərkəzi xəstəxanasında müalicəmi davam etdirmişəm. İyul-avqust 1993-cü ildən yanvar 1994-cü ilədək yenidən 107 (156) saylı hərbi hissədə xidmət etmişəm.

12.02.2018-ci ildə mənə 2-ci qrup Azərbaycan Respublikası ərazi bütövlüyünün müdafiəsi ilə əlaqədar əlilliktəyin edilmişdir.

Qeyd etmək istəyirəm ki, bununla əlaqədar olaraq 12.02.2018-ci ildə mənə Azərbaycan Respublikası Əmək və Əhalinin Sosial Müdafiəsi nazirliyi yanında Dövlət Tibbi Sosial Ekspetiza və Reabilitatsiya xidmətinə müraciət etmişəm və mənə 12.02.2018-ci il tarixdən 12.02.2023-cü ilədək 2-ci qrup Azərbaycan Respublikası ərazi bütövlüyünün müdafiəsi ilə əlaqədar əlillik təyin edildi.

Nəzərinizə çatdırmaq istəyirəm ki, mənə əlillik təyin olunan gündən etibarən pensiya alırdım.

Lakin noyabr 2019-cu ildə yenidən elektron sistemə baxış keçirən zaman mənə məlum oldu ki, əlilliyim əsassız olaraq ləğv edilmişdir.

Bu barədə 1 saylı Bakı İnzibati-İqdisadi Məhkəməyə müraciət etmişəm.

Sizdən xahiş edirəm ki, yuxarıda qeyd etdiklərimi və mənim əliliyimin etibarlı sayılması üçün Daxili İşlər Nazirliyinin Hospitalı tərəfindən 4110003AAC73 f 88 bərpa edilməsi üçün DTSERX-nə məktum göndərilməsinə və 12.02.2018-ci il tarixdən 12.02.2023-cü ilədək 2-ci qrup Azərbaycan Respublikası ərazi bütövlüyünün müdafiəsi ilə əlaqədar əlilliyimin elektron sistemdə bərpaedilməsinə köməkdarlıq edəsiniz".

Dia.az olaraq bütün tərəfləri dinləməyə hazırıq...


Paylaş: