Qarabağda aprel döyüşlərinin iştirakçısı olmuş polkovnik Qadir Vəlişovun həbsində Beyləqanın icra başçısı Asif Ağayevin rolunun olduğu iddiaları var.

Artıq azadlığa buraxılan Q.Vəlişovun rayonda 13 hektar torpaq sahəsi və ferma üstündə yaranmış mübahisəyə görə Cinayət Məcəlləsinin xuliqanlıq (221.3) maddəsi ilə həbs edilməsində icra başçısının marağı olub.0

Reportyor.info xəbər verir ki, ailə üzvləri də Q.Vəlişovla Beyləqan rayon İcra Hakimiyyəti arasında mübahisə olduğunu təsdiqləyib. Onların sözlərinə görə, bu səbəbdən onu şərləyərək, həbs ediblər.

Beyləqan İH təkzib etsə də, polkovnikin tutulmasına görə ictimai etirazın olması göstərdi ki, aprel döyüşçüsü günahsız saxlanılıb.

Lələtəpəyə bayraq sancan döyüşçü kimi tanınan Vəlişovla icra başçısının mübahisənin konkret detalları açıqlanmır. Amma iddialar səslənir ki, bu xəbərdən sonra Beyləqanın icra başçısı Asif Ağayevi yaxşı perspektiv gözləmir.

Ölkə rəhbərliyinin aprel döyüşçülərinə, qazilərə, şəhid və məcburi köçkün ailələrinə göstərdiyi həssaslıqla icra başçısının davranışı arasında böyük uçurum var.

Üstəgəl, prezident yeni icra başçıları təyin edərkən onlara xəbərdarlıq edir, kim qanun pozarsa, narazılıq yaradarsa cəzalandırılacaq.

A.Ağayev isə istər Şamaxının, istərsə də indi Beyləqanın icra başçısı işləyərkən tez-tez qalmaqallarla gündəmə gəlib.

Bir müddət əvvəl Rəmziyyə Əsədova şikayətində bildirirdi ki, iki qızı ilə birlikdə Beyləqan şəhər 2 saylı yataqxanada yaşayır. Mərhum həyat yoldaşı Əsədov Ələddin Səməd oğlu Silahlı Qüvvələrin zabiti olub. O, Azərbaycanın ərazi bütövlüyü uğrunda gedən döyüşlərdə yaralanıb.

Müharibə veteranı və ikinci qrup əlil olub və xəstəliklər cədvəlinin 65b. 82b maddəsinin III qrafasına və ƏTC-ə əsasən Sıradan hərbi xidmətə yararlı olaraq hərbidən ehtiyyata təxris edilmişdir. 27.11.2016-cı il tarixdə hərbi xidmət dövründə aldığı xəsarətə görə vəfat etmişdir.

Beyləqan rayon İcra Hakimiyyətinə dəfələrlə müraciət edərək Qarabağ əlillərinə və Müharibə veteranlarına tikilmiş mənzillərə görə siyahıya alınmağını xahiş edib: “Məni ələ salıb dedilər ki, “get ərin gəlsin”.

Bir daha anladım ki, Beyləqan rayonunda Asif Ağayev başda olmaqla icra hakimiyyətində Vətən – Torpaq uğurunda canlarını fəda vermiş hərbiçi ailələrini nəinki, ələ salmaq, onlara yuxarıdan aşağı baxır, zərrə qədər də olsun hörmət qoymurlar”.

Göründüyü kimi, icra başçısı döyüşçü bilmir, qazi bilmir, hamını narazı salır. O da qeyd olunur ki, Asif Ağayev Beyləqan şəhərində olan 1 və 4 saylı bağçaların binalarını sökərək, həmin binaların yerində hündürmərtəbəli çoxmənzilli binalar tikib, pul qazanmaq eşqinə düşüb.


Paylaş: