80 yaşlı Şəmkir rayon sakini Qasımov Əli Əmiraslan oğlu Ədliyyə naziri, Məhkəmə-Hüquq Şurasının sədri cənab Fikrət Məmmədova müraciət edib. Müraciətdə deyilir:

“Cənab Məmmədov !

Rusiya vətəndaşı olan oğlum Qasımov Bahadur Əli oğlu ailəmizin şərəfi-namusu ilə bağlı mübahisə zəminində Daşkəsən rayon sakini Asəf İsayevi qətlə yetirib.

Belə ki, Daşkəsəndə təyinat üzrə müəllimə işləyən qız nəvəmi Asəf İsayev zorla qaçırdaraq Göy-göl rayonu ərazisində ona təcavüz edib. Asəf İsayevin özü və ailəsi ilə apardığımız söhbətlər nəinki nəticəsiz qalıb, hətta onlar bizi təhqir ediblər.

Oğlum Bahadur məcbur olub məsələyə qarışıb və mübahisə zəminində Asəfi qətlə yetirib, könüllü olaraq polisə təslim olub.

Cənab nazir !

Mən oğlumun günahsiz olduğunu qəti iddia etmirəm. Bəli, oğlum ailə namusu zəminində cinayət törədib və haqlı olaraq cəzasını almalıdır. Ancaq bu cəza haqlı və ədalətli olmalıdır.

Cənab nazir!

Nəvəmə Göy-göl rayonunda təcavüz olubsa, nə üçün məhkəmə prosesində Göy-göl rayonu deyil, məhz Daşkəsən rayonu qeyd olunur. Bu ciddi qanun pozuntusudur.

İkincisi, 09 dekabr 2019-cu il tarixdə Gəncə Apellyasiya Məhkəməsinin hakimi Teyyub Muxtarov oğluma son söz deməyə imkan verməyib və oğlumun öz vəkilindən imtina edərək yeni vəkil tutmaq hüququnu pozub. Və digər ciddi qanun pozuntular və kimlərinsə sifarişi ilə oğlumun hüquqlarını pozub.

Cənab Məmmədov!

Sizdən Məhkəmə-Hüquq Şurasının sədri kimi xahiş edirəm ki, bütün bunları nəzərə alaraq oğlumun hüquqlarını qoruyasınız və oğlumun ədalətlə, qanunla mühakimə edilməsinə kömək edəsiniz. //nuh.az//


Paylaş: