DTX-nın Ağstafa və Yevlaxda keçiridiyi əməliyyatdan sonra bir çox icra başçılarının narahatlıq keçirdikləri barədə yazmışdıq. Həmin məlumatlarda deyilirdi ki, bir çox icra başçıları hadisənin səhəri günü otaqlarında gizli kamera axtarışlarına başlayıblar. Lakin onların bu istəklərinə çatıb, çatmadıqları məlum deyil. Hər halda gizli kamera aşkarlansa belə, onun nümayiş etidirilməsinə cəsarətləri də çatmazdı.

regionxeberlericom.az JAMAZ.İNFO-a istinadən xəbər verir ki, elə icra başçıları da var ki, onlar "problemi" kökündən həll eləmək qərarına gəliblər. Əldə etdiyimiz məlumata görə, Ağdamın icra başçısı Vaqif Həsənov hadisədən dərhal sonra müavinlərinə göstəriş verib ki, otaqlarda yalnız işlərlər bağlı danışsınlar. Eyni zamanda, o, kabinetini qısa müddətdə təmir etdirmək barədə göstəriş verib. Məlumatda vurğulanır ki, Vaqif Həsənovun təqribən 3 gün ərzində təmir ediblər. Bundan əlavə, otağın bütün əşyaları və aksesuarları da dəyişdirilib. Amma onun otağından gizlicə quraşdırılmış kameranın çıxıb, çıxmadığı barədə heç bir bilgi yoxdur.

Bildirək ki, Ağdamın icra başçısının öz kabinetini təmir etdirməsi barədə məlumatı elə İcra Hakimiyyətindən də təsdiq ediblər. Mənbə bildirib ki, Ağstafa və Yevlaxın icra başçılarının həbsinin səhəri günü otaq boşaldılıb və təmir edilib. Ancaq mənbə bunun konkret olaraq nə məqsədlə edildiyi barədə bilgisi olmadığını deyib.


Paylaş: